Gisting á Mallandi
Gist er í íbúðarhúsinu á Mallandi og er húsið leigt út í einu lagi.
Í húsinu eru 4 x 2ja manna herbergi. 3 svefnherbergi á aðalhæðinni og eitt herbergi í risi. Auk þess er 2ja manna svefnsófi í opnu herbergi í risinu. Tvö rúm eru í hverju herbergi og eru sængur og koddar í hverju rúmi, gestir koma með eigin rúmföt, lök og handklæði. Í húsinu er eldhús, stofa með kamínu, baðherbergi m/sturtu og þvottahús með þvottavél og þurrkara. Í húsinu eru ryksuga og skúringarfata, þveglar, tuskur og viskustykki, til að þrífa eftir sig.
Fyrirkomulag leigu er sjálfmennska, þ.e. gestir þrífa húsið eftir sig og taka með sér allt rusl.
Vöðlugeymsla með frysti, ísskáp og vacum pökkunarvél, flökunarborð fyrir utan vöðlugeymsluna og svo góð grillaðstaða, beint á móti íbúðarhúsinu.
Setustofa með kamínu
Eftir langan dag á heiðinni, er gott að setjast niður í setustofunni og hlýja sér við kamínuna, taka í spil, kasta pílu eða grípa niður í eina af bókunum í bókaskápnum. Í stofunni er einnig sjónvarp og myndlykill frá Símanum sem gestir geta nýtt sér ef þeir hafa notendaðgang að Sjónvarpi símans.
Eldhús
Í eldhúsi er helstu eldhústæki, örbylgjuofn, samlokugrill, brauðrist, leirtau og borðbúnaður, pottar og pönnur og öll helstu áhöld til eldamennsku. Einnig er Nespresso kaffivél. Við erum líka með hefðbundna uppáhellingar kaffikönnu. Gestir koma sjálfir með kaffihylki eða hefbundið kaffi og kaffipoka
Fjögur 2ja manna svefnherbergi
Í húsinu eru fjögur tveggja manna svefnherbergi. Sængur og koddar eru á staðnum, en gestir koma sjálfir með rúmföt og lök. Einnig er tveggja manna svefnsófi í risi.
Bókaskápurinn
Í einu af svefnherbergjunum er bókaskápur með góðu af lesefni.
Aðgerðarborð og grillaðstaða
Í silungsveiði er lykilatriðið að ganga vel um aflann. Veiðimenn geta gert strax að afla sínum þegar komið er í hús og sett í frystikistu sem er í vöðlugeymslunni.
Við hlið aðgerðarborðsins er grillhús þar sem menn geta grillað í góðu skjóli.
Vöðlugeymsla og aflavinnsla.
Í gömlu gryfjunni á móti íbúðarhúsinu er nú vöðlugeymsla, þar er góð aðstaða til að hengja upp blaut föt, frystikista fyrir aflann, ísskápur fyrir drykki og mat og vacumpökkunarvél. Það er í fínu lagi að hirða aflann og þá er lykilatriðið að ganga vel um hann.